Kryeministri i Kosovës, Ramush Haradinaj, u ka dhënë dhjetë ditë ultimatum banorëve të Hades dhe Shipitullës që të nënshkruajnë marrëveshjet e qeverisë për shpronësim. Në të kundërtën sipas tij bagerat për rrënimin e objekteve të ndërtuara afër mihjeve të KEK’ut do të shkojnë pas dhjetë ditësh në Hade e Shipitull, shkruan arbresh.info.

Sipas tij,nëse edhe dhjetë ditë banorët nuk i nënshkruajnë kontratat për largim, ka thënë se oferta ndaj tyre do të bëhet bazuar në Ligjin për Shpronësim, i cili ofron kushte përgjysmë më të ulëta se sa oferta e Qeverisë.

Këto komenet shefi i kabinetit Qeveritar i bëri, pas takimit që kishte me menaxhmentin e KEK-ut.

Ai ka thënë se prapa banorëve të Hades e Shipitullës janë disa matrapazë që po dëshirojnë të zhvatin buxhetin e Shtetit.

“Do të japin të gjithë llogari. Të gjithë ata matrapazë që po dëshirojnë të zhvatin buxhetin e Shtetit”, ka thënë Haradinaj./arbresh.info/